Estas novas actividades intégranse no marco da INICIATIVA DICITEUS 2022-2026, Divulgación Científica en Ciencias da Terra da USC, organizada polo Museo de Historia Natural e a Área de Infraestruturas de Investigación da USC.

 

Coordinación organizativa da iniciativa  DICITEUS de Divulgación da investigación en Ciencias da Terra 2022-2026 da USC: Xoana Pintos Barral (Museo de Historia Natural da USC)  e Oscar Lantes Suárez (Unidade de Arqueometría e de Caracterización de Materiais, Área de Infraestruturas de Investigación da USC).

 

A INICIATIVA DICITEUS surxe como extensión do anterior Proxecto de Divulgación Minerais. Ver o Invisible:

Despois da boa acollida desta pasada edición 2022-2023, facíase necesario seguir divulgando á sociedade, desde o MHN e a AII (USC)  a investigación que se realiza en Ciencias da Terra na universidade.

 

 

NOVAS ACTIVIDADES 2024-2026:

 

Clica e accede aos contidos da exposición en 2ª EDICION que se desenvolverá durante os anos 2024 e 2045 no Museo de Historia Natural (MHN) da Universidade de Santiago de Compostela:

EXPOSICIÓN NO MHN (2024-2025): MINERAIS VER O INVISIBLE. De Haüy á Ermeloíta

 

 

Clica e accede aos contidos da exposición que tivo lugar en 1ª EDICION no Colexio de Fonseca durante o verán do ano 2023:

EXPOSICIÓN EN FONSECA: MINERAIS VER O INVISIBLE. De Haüy á Ermeloíta

 

 

PRÓXIMA EXPOSICIÓN DE METEORITOS

Museo de Historia Natural. Musealización de meteoritos e obradoiro o próximo 25 de Abril de 2024.

Obradoiro de meteoritos o 25 de Abril de 2024, organizado por a Asociación de Amigos do Museo de Historia Natural e a INICIATIVA DICITEUS. Anótate.

Investigador ponente: Xavier Canseco

 

 

XXII SIMPOSIO SOBRE LA ENSEÑANZA DE LA GEOLOGÍA. Montañas do Courel 2024

O Próximo mes de Xullo de 2024 terá lugar en Quiroga o congreso estatal que organiza a AEPECT sobre Ciencias da Terra. Está orientado a profesorado de secundaria, esfera universitaria e a todos os afeccionados e divulgadores en Ciencias da Terra.

Apúntate ao simposio !. Podes obter máis información sobre ao congreso e como inscribirte en: https://www.aepect.org/XXIISimposio2024/

A USC colabora ca organización do congreso a través da Unidade de Arqueometría e de Caracterización de Materiais. Ademáis levaremos varias comunicacións relacionadas ca Divulgación Mineralóxica que realizamos estes anos, pósters sobre a ermeloíta e anunciaremos as novas actividades que estamos a realizar no marco desta nova INICIATIVA DICITEUS.

 

MUSEALIZACIÓN DA ESTRUTURA DA ERMELOÍTA NO CACTUS (Planta 1)

Conmemorando a publicación en Mineralogical Magazine do artigo científico que presenta a estrutura da ermeloíta, no Edificio Cactus realizarase hacia mediados do ano 2024 unha musealización permanente da estrutura crsitalográfica 3D así como dunha réplica 3D da peza e unha copia enmarcada do artigo publicado.

Próximamente

 

MUSEALIZACIÓN MINERALÓXICA NO CACTUS (Planta 0)

Vitrina mineralóxica no Edificio CACTUS da USC na que se anuncia a INICIATIVA DICITEUS con pezas do MHN e do Dpto. de Edafoloxía e Qca. Agrícola de Farmacia da USC.

 

OUTRAS ACTIVIDADES XA CONCLUIDAS DO PROGRAMA 2022-2023

Consulta información en:

• Obradoiros e charlas
• Saídas ao campo
• Presenza en eventos científicos
• Exposición mineralóxica no Pazo de Fonseca
• Ligazóns Xeo-Mineralóxicas e novas
• Novo mineral: a Ermeloíta
• Musealización mineralóxica  no Edificio CACTUS

 

A Área de Infraestruturas de Investigación da USC e o Museo de Historia Natural da USC desenvolven investigación mineralóxica desde máis de dúas décadas. A necesidade de promocionar esta investigación e a celebración do Ano Mineralóxico Internacional 2022 dedicado a Just René Haüy, un dos fundadores da Mineraloxía e a Cristalografía modernas, motivaron a presentación dun proxecto ao Consello Social da USC para divulgar e investigar neste campo científico.

Esta pasado proxecto solicitouse co título “UNHA OLLADA CIENTÍFICA AO MUNDO MINERAL. AXUDAS CONSELLO SOCIAL 2022” e a efectos de divulgación e de exposición a acción divulgativa promocionouse coa marca “MINERAIS. VER O INVISIBLE. De Haüy á Ermeloíta” (Resolución do Consello Social da USC do 17 de marzo de 2022; Solicitantes: Área de Infraestruturas de Investigacion e Museo de Historia Natural da USC, IP: Óscar Lantes Suárez; Ref. Cod 2022-PU002).

A concesión do proxecto dou lugar á organización de obradoiros mineralóxicos, charlas, saídas ao campo, participación en eventos científicos e divulgativos e culminou cunha gran exposición no Pazo de Fonseca. Estas actividades permitiro achegar á sociedade os últimos avances sobre investigación mineralóxica desenvolvidos desde a USC na Galiza, homenaxear á figura de René Haüy, presentar o novo mineral  galego, a ermeloíta e mostrar a diversidade mineral, todo relatado dende unha perspectiva artística e creativa. Este rotundo éxito motiva que este pasado programa se alongue agora aos próximos anos 2024-2026 a través na nova INICIATIVA DICITEUS.

 

Colaboradores (2022-2026)

• Grupo Mineralóxico e Xeolóxico Galego (mineraloxicoexeoloxico@gmail.com)
• Grupo de Divulgación Científica Luzada
• Sociedade Española de Mineraloxía
• Asociación Mineralóxica Internacional
• Ilustre Colexio Oficial de Xeólogos de España
• Asociaciación Española para a Ensinanza de Ciencias da Terra (AEPECT-Galicia)
• Cámara Oficial Mineira de Galicia
• Gemap. Grupo de Estudios Medioambientais Aplicados ao Patrimonio Natural e Cultural (USC)
• Xeoda. Grupo de Investigación Docente. Escola de Enxeñaría de Minas e Enerxía (UVigo)
• Departamento de Química Inorgánica (USC)
• Facultade de Física (USC)
• MINERGAL. Museo dos Minerais de Galicia. Fundación Centro Tecnolóxico do Granito
• Biblioteca Xeral (USC)
• Asociación de Amigos do Museo de Historia Natural da USC
• Carlos Rodríguez Vázquez
• Ximo Company Boronat
• Francisco Canosa Martínez
• Sociedad Española de la Ciencia del Suelo

 

 

Financiación (2022-2023)

Consello Social da USC e Área de Infraestruturas de Investigación

 

Equipo de traballo do proxecto (2022-2023)

Oscar Lantes Suárez (oscar.lantes@usc.es), Marcos Andrés González, Guillermo Zaragoza Vérez, Inés Fernández Cereijo, Marta Vázquez Rodríguez, Juan Manuel Cutrín Lobato, Aida González Pazos, Xoana Pintos Barral, Jose Otero Casas, Bruno Dacuña Mariño, Marta Cereijo Castro.

 

Equipo de traballo da iniciativa DICITEUS (2022-2026)

Coordinadores:

Xoana Pintos Barral (Museo de Historia Natural, USC), Javier Iglesias Piñeiro (Dir. Museo de Historia Natural, USC) e Oscar Lantes Suárez (Unidade de Arqueometría e CM, AII, USC)

 

Equipo:

Coordinadores e Juan Manuel Cutrín Lobato (Museo de Historia Natural, USC), Ainda González Pazos (Unicade de Arqueometría e CM, AII, USC), Inés Fernández Cereijo (Unicade de Raios X, AII, USC), Guillermo Zaragoza Vérez (Unicade de Raios X, AII, USC)

 

 

---

 

 

Divulgación científica, motor creador de novas vocacións, educación contemporánea da sociedade. Mineraloxía desde a Universidade

 

Cesión de espazo web: Área de Infraestruturas de Investigación (USC)