Estas novas actividades intégranse no marco da INICIATIVA DICITEUS 2022-2026, Divulgación Científica en Ciencias da Terra da USC, organizada polo Museo de Historia Natural e a Área de Infraestruturas de Investigación da USC.

 

Coordinación organizativa da iniciativa  DICITEUS de Divulgación da investigación en Ciencias da Terra 2022-2026 da USC: Xoana Pintos Barral (Museo de Historia Natural da USC)  e Oscar Lantes Suárez (Unidade de Arqueometría e de Caracterización de Materiais, Área de Infraestruturas de Investigación da USC).

A INICIATIVA DICITEUS surxe como extensión do anterior Proxecto de Divulgación Minerais. Ver o Invisible:

Despois da boa acollida desta pasada edición 2022-2023, facíase necesario seguir divulgando á sociedade, desde o MHN e a AII (USC)  a investigación que se realiza en Ciencias da Terra na universidade.

 

ACTIVIDADES 2024-2026:

EXPOSICIÓN NO MHN (2024-2025): MINERAIS VER O INVISIBLE. De Haüy á Ermeloíta

Clica e accede aos contidos da exposición en 2ª EDICION que se desenvolverá durante os anos 2024 e 2045 no Museo de Historia Natural (MHN) da Universidade de Santiago de Compostela:

 

EXPOSICIÓN DE METEORITOS

Museo de Historia Natural. Musealización de meteoritos da colección de Xavier Canseco durante o ano 2024 e 2025.

 

XXII SIMPOSIO SOBRE LA ENSEÑANZA DE LA GEOLOGÍA. Montañas do Courel 2024

No mes de Xullo de 2024 celebrouse o Simposio Estatal que organiza a AEPECT sobre Ciencias da Terra. Orientado a profesorado de secundaria, esfera universitaria e a todos os afeccionados e divulgadores en Ciencias da Terra. Información do Simposio: https://www.aepect.org/XXIISimposio2024. A USC colaborou ca organización do congreso a través da Unidade de Arqueometría e de Caracterización de Materiais. Ademáis levamos varias comunicacións relacionadas ca Divulgación Mineralóxica que realizamos estes anos, pósters sobre a ermeloíta e anunciamos novas actividades que estamos a realizar no marco desta nova INICIATIVA DICITEUS. Máis información na páxina Presenza en Eventos Científicos.

 

MUSEALIZACIÓN DA ESTRUTURA DA ERMELOÍTA NO CACTUS (Planta 1)

Conmemorando a publicación en Mineralogical Magazine do artigo científico que presenta a estrutura da ermeloíta, no Edificio Cactus realizase unha musealización permanente da estrutura crsitalográfica 3D así como dunha réplica 3D da peza.

Preparando as vitrinas…:

 

MUSEALIZACIÓN MINERALÓXICA NO CACTUS (Planta 0)

Vitrina mineralóxica no Edificio CACTUS da USC na que se anuncia a INICIATIVA DICITEUS con pezas do MHN e do Dpto. de Edafoloxía e Qca. Agrícola de Farmacia da USC.

 

A Área de Infraestruturas de Investigación da USC e o Museo de Historia Natural da USC desenvolven investigación mineralóxica desde máis de dúas décadas. A necesidade de promocionar esta investigación e a celebración do Ano Mineralóxico Internacional 2022 dedicado a Just René Haüy, un dos fundadores da Mineraloxía e a Cristalografía modernas, motivaron a presentación dun proxecto ao Consello Social da USC para divulgar e investigar neste campo científico.

Esta pasado proxecto solicitouse co título “UNHA OLLADA CIENTÍFICA AO MUNDO MINERAL. AXUDAS CONSELLO SOCIAL 2022” e a efectos de divulgación e de exposición a acción divulgativa promocionouse coa marca “MINERAIS. VER O INVISIBLE. De Haüy á Ermeloíta” (Resolución do Consello Social da USC do 17 de marzo de 2022; Solicitantes: Área de Infraestruturas de Investigacion e Museo de Historia Natural da USC, IP: Óscar Lantes Suárez; Ref. Cod 2022-PU002).

A concesión do proxecto dou lugar á organización de obradoiros mineralóxicos, charlas, saídas ao campo, participación en eventos científicos e divulgativos e culminou cunha gran exposición no Pazo de Fonseca. Estas actividades permitiro achegar á sociedade os últimos avances sobre investigación mineralóxica desenvolvidos desde a USC na Galiza, homenaxear á figura de René Haüy, presentar o novo mineral  galego, a ermeloíta e mostrar a diversidade mineral, todo relatado dende unha perspectiva artística e creativa. Este rotundo éxito motiva que este pasado programa se alongue agora aos próximos anos 2024-2026 a través na nova INICIATIVA DICITEUS.

 

PROMOCIÓN DA DOAZÓN DE PEZAS MINERAIS SINGULARES AO MHN

Grazas á iniciativa DICITEUS favoreceuse que pezas minerais singulares foran doadas ao MHN por diferentes axentes. A Área de Infraestruturas de Investigación canalizou a doazón realizando unha caracterización química e mineralóxica previa. Algunhas destas pezas son:

-Berilo de grandes dimensións do Monte Galiñeiro recoletado por José Ramón Feijoo e doado en última instancia por Carlos Rodríguez Vázquez.

-Moonmilk ou leite da Sima Aradelas de O Courel, doado polo Xeoparque Montañas do Courel.

-Pegmatita e granodiorita do Monte Hermelo, que marcan o contexto xeoloxico do novo mineral ermeloíta, doado por Carlos Rodríguez Vázquez.

-Análise de ópalo con uso nun Traballo de Fin de Máster da Universidade de A Coruña (peza nº 833 do MHN).

Consulta de datos adicionais e informes asociados en MHN.

 

(fotografía de berilo, primeiro mineral abaixo á esquerda)

 

EXPOSICIÓN EN FONSECA: MINERAIS VER O INVISIBLE. De Haüy á Ermeloíta (2023)

Clica e accede aos contidos da exposición que tivo lugar en 1ª EDICION no Colexio de Fonseca durante o verán do ano 2023.

 

__________________________________________________

Equipo de traballo da iniciativa DICITEUS (2022-2026)

Coordinadores:

Xoana Pintos Barral (Museo de Historia Natural, USC), Javier Iglesias Piñeiro (Dir. Museo de Historia Natural, USC) e Oscar Lantes Suárez (Unidade de Arqueometría e CM, AII, USC)

Equipo:

Coordinadores e Juan Manuel Cutrín Lobato (Museo de Historia Natural, USC), Ainda González Pazos (Unicade de Arqueometría e CM, AII, USC), Inés Fernández Cereijo (Unicade de Raios X, AII, USC), Guillermo Zaragoza Vérez (Unicade de Raios X, AII, USC)

---

 

Divulgación científica, motor creador de novas vocacións, educación contemporánea da sociedade. Mineraloxía desde a Universidade

 

Cesión de espazo web: Área de Infraestruturas de Investigación (USC)