Obradoiro mineralóxico en G-Night (Noite Galega das Persoas Investigadoras)

Persoal da Área de Infraestruturas de Investigación imparte un obradoiro mineralóxico dentro das actividades científicas divulgativas do G-Night. G-Night (Noite Galega das Persoas Investigadoras. CONCIENCIAS CREATIVAS).

 

Sobre G-NIGHT:

Noite Europea dos Investigadores é un proxecto de divulgación científica promovido pola Comisión Europea dentro das accións Marie Sktodowska-Curie do programa Horizonte 2020, que ten lugar simultaneamente en máis de 370 cidades europeas desde 2005.

A GNight é o resultado da colaboración entre os organismos de investigación galegos Universidade de Vigo (líder do proxecto), a Universidade de Santiago de Compostela, a Universidade de A Coruña, CESGA, IEGPS-CSIC, IEO-CSIC, IDIS, INIBIC, CITMAga (antes ITMATI) e a SEBBM.

O proxecto Galician Night of Researchers é un evento asociado á MSCA e Cidadanía, unha iniciativa da Unión Europea financiada por Marie Sklodowska Curie Actions. Identificador da convocatoria HORIZON-MSCA-2022-CITIZENS-01 (Marie Sklodowska-Curie Actios European Researchers’ Night 2022-2023).

 

O noso obradoiro mineralóxico:

O obradorio mineralóxico titulouse “Minerais, ver o invisible. De HAÜY á ERMELOITA” e estará enfocado a activar o interese científico hacia os minerais e a promover o Proxecto de Divulgación da Investigación Mineralóxica 2022-2023 “MINERAIS. VER O INVISIBLE”. Tentouse achegar respostas ás seguintes preguntas: Como sabemos que unha pedra que nos atopamos é interesante? Será algo novo que ninguén atopou antes? Como sabían fai moitos anos o que era? e, como o sabemos agora?

Contidos: 

• observación de minerais (visual, lupa ou microscopio)
• fluorescen ou non
• son magnéticos ou non
• reaccionan ante ácidos ou non
• medición de modelos cristalinos (tentando facer o que fixo Haüy no século XVIII e deixou escrito para 683 modelos de minerais diferentes)
• explicaremos os conceptos básicos da difracción como necesario para poder observar como están ordenados os átomos dentro dun cristal dos minerais

Organizadores e ponentes:
Bruno Dacuña Mariño, Inés Fernández Cereijo; Oscar Lantes Suárez, Aida González Pazos (Unidade de Arqueometría e de Caracterización de Materiais). Cesión temporal de modelos cristalográficos: Departamento de Química Inorgánica (USC). Pezas minerais: Colección Científica RIAIDT, Carlos Rodríguez Vázquez.

Público obxectivo:
Rapaces e adultos

Reservas:
Evento aberto a todo o público

Material didáctico:
Guión do obradoiro mineralóxico “Minerais, ver o invisible. De Haüy á Ermeloita“

Links de interese:

• G-NIGHT (Noite Galega das Persoas Investigadoras)
• App gratuita para ver os modelos cristalográficos en 3D, construir os propios e xerar recortables coma cos que imos a traballar no obradoiro (KrystalShaper)
• Nesta web utilízanse as propiedades dos minerais coas que traballaremos no obradoiro para dirixir aos usuarios a táboas onde se atopa máis información sobre “sospeitosos probables”(Sociedade Mineralóxica Americana)

 

O resultado:

Quedamos moi satisteitos da enorme asistencia de rapaces e adultos ás sesións do G-NIGHT que mostraron un alto interese e entusiasmo participativo tanto no noso obradoiro coma no resto dos obradoiros presentes no evento do Claustro do Pazo de Fonseca. Agradecemos á organización local a súa proposta e invitación (José Costoya Puente) así como á organización xeral do evento.

Esperando a poder repetir para o ano que ven!

Data -- Hora
30/09/2022 -- 6:00 p.m. - 9:00 p.m.

Ubicación
Pazo de Fonseca (Santiago de Compostela)