Exposición 2023 en Fonseca: Minerais. Ver o Invisible

Exposición 2023 en Fonseca: Minerais. Ver o Invisible

Tivo lugar entre o 22 de Xuño ao 2 de Setembro de 2023. De luns a sábado, de 11 a 14 e de 17 a 20:30 h. Salón Artesoado do Colexio de Fonseca. Santiago de Compostela.

Comisarios: Oscar Lantes Suárez, Monica Mura, Marcos A. González González

Podes consultar os contidos daquela exposición a través de:

 

Bloques expositivos (invitámoste a que CLIQUES nos seguintes apartados):

O Proxecto de “Divulgación da Investigación Mineralóxica” coordinado pola Área de Infraestruturas de Investigación e o Museo de Historia Natural da USC realiza unha exposición mineralóxica na Sala do Artesonado do Pazo de Fonseca para os meses de Xuño, Xullo e Agosto do 2023. A exposición titulada “MINERAIS. VER O INVISIBLE. De Haüy á ermeloíta” presenta o novo mineral ermeloíta, homenaxea ao mineraloxista René Just Haüy e mostra unha escolma da investigación mineralóxica que se desenvolve na Universidade de Santiago de Compostela. O contexto expositivo ten a impronta da creadora Monica Mura e música de Fernando Buide del Real.

Hai que destacar que o Museo de Historia Natural da USC dispón nos seus fondos a colección de modelos de modelos cristalográficos mineralóxicas máis completo do mundo realizados por René Just Haüy, considerado fundador da Mineraloxía e a Cristalografía modernas e figura á que a International Mineralogical Association adica o Ano Mineralóxico Internacional 2022. Estos feitos xustifican a homenaxe que se brinda a Haüy e supoñen un recoñecemento a un dos depósitos máis singulares do MHN. A exposición terá continuidade a partir de Setembro do ano 2023 nas instalacións do MHN con orientación de didáctica científica e terá unha permanencia documental a través da creación dun catálogo propio con contidos ampliados que está disponible a través deste blog.


Preparativos da exposición:

 

 

 

 

 

Colaboración, colaboración e colaboración. Sinérxia do éxito