Visita á Canteira Áridos Mendo. Salvaterra do Miño (I). GMXG

Visita á Canteira Áridos Mendo. Salvaterra do Miño (I). GMXG


Descripción:

Da man de Maria Modino , química e xefa de Calidade da empresa Áridos do Mendo, verase a explotación que realizan das terrazas cuaternarias do río Miño en Salvaterra para a obtención de áridos. En Áridos do Mendo ten especial interese o aproveitamento integral do recurso que realizan a partir de concentración por densidade e magnetismo obtendo del ouro, casiterita e minerais de terras raras coma a monacita ademáis de ilmenita e zircón.

Poñente: María Modino, xefa de calidade da empresa “Áridos do Mendo”; Juan Ricoi, enxeñeiro de minas e xefe de explotación.

Organiza: Coordinación do Proxecto de Mineraloxía e Grupo Mineralóxico e Xeolóxico Galego.

Idade necesaria: maiores de 18 anos.

Inscrición: ata o 5 de outubro de 2022 (11:00 da mañá) (Se o evento xa está completo, envíanos igualmente un comentario para avaliar posibles repeticións do mesmo).

Horario e punto de encontro: 16:30 do mércores 5 de outubro de 2022. Empresa Áridos do Mendo. Salvaterra do Miño.

Nota:  J. Santos, do GXMG realizará un control de reservas á chegada do evento. Os asistentes deben levar casco e chaleco reflector propio. No caso de non dispoñer, comunicarllo á organización. Preciso levar calzado adecuado para auga e barro.

 

 

A Visita, tal e como foi…:

Xa chegou o día e a visita.

Fomos recibidos por María Modino, química e xefa de Calidade de Áridos do Mendo. Despois pasamos a ver a explotación onde nos explicou os estratos do terreo (arxila, grava e area, e finalmente xabre, granito meteorizado) e como realizaban a extracción do árido, a arxila a derivan a unha empresa de refractarios. A continuación vimos o proceso circular do uso da agua na empresa , así como a decantación de lodos e a recuperación do terreo ao final do proceso. De alí pasamos á pranta onde primeiro entendimos o proceso de lavado, triturado e separación por grosores do árido. Despois, pasamos á torre onde se lava toda a area para extraer as fraccións densas, onde estan las mineralizaciones. O proceso de separación é puramente físico, mediante unhas espirais e por gravedade sepárase a parte máis densa das areas. Esta parte máis densa pasa a unha mesa de separación gravimétrica onde xa poidemos apreciar  partículas de oro. Nesta mesa sepáranse os minerais en varias fraccións: area de cuarzo, que volve ao proceso industrial e, ilmenita, granates , ouro, monacita, casiteririta e circón O ouro e a casiterita son as fraccións menos magnéticas. A

A continuación, pásase ao proceso químico de separación do ouro e a casiterita, disolvendo en agua rexia. Ao final do proceso obtense ouro xa en condicións de venta. Por últimodestacamos o percorrido polo laboratorio da empresa onde teñen un equipo de análise de elementos químicos de fluorescencia de raios X, semellante aos que teñen na Unidade de Arqueometría e de Caracterización de Materiais da USC.

(descrición realizada por J. Santos, GMXG).

Nota: Se consideras interesante esta saída e non puideches realizala, deixa un comentario e valoraremos, en función da demanada, unha repetición da mesma.

Reservas

Este evento está totalmente reservado.

Data -- Hora
05/10/2022 -- 4:30 p.m. - 7:30 p.m.

Ubicación
Áridos do Mendo, Salvaterra do Miño

6 Replies to “Visita á Canteira Áridos Mendo. Salvaterra do Miño (I). GMXG”

  1. Maria Modino. Química e xefa de Calidade. Áridos do Mendo
    Buenos días, acabo de tener conocimiento de la visita organizada pero leo que el evento está totalmente reservado. ¿Habrá otra fecha prevista para esa actividad?
    Un saludo. Ricardo

    1. Bó día, Ricardo.
      En próximas semanas valoraremos repetir algúns dos eventos en función da demanda que teñan a través das vosas manifestacións de interese.
      Saúdos

  2. Son Carlos F. e tiña praza reservada para a visita aos áridos. Síntoo pero teño que deixar as prazas libres por un problema familiar. Espero que outro poda utlizalas.

  3. Hace tiempo que deseaba visitar Áridos do Mendo y ayer he podido hacerlo. Agradezco el mensaje de Carlos y la posibilidad de ocupar su plaza. También las completas explicaciones y guiado de María durante la visita. Ha valido la pena. Un saludo. Ricardo

    1. Bo día, Ricardo. Aledámonos de que fose exitoso a visita. Próximamente volcaremos algunas fotos do evento e unha breve descripción sobre a visita. Agradecemos ao persoal de Áridos do Mendo a súa disponibilidade e a todos vos por participar. Grazas tamén ao Grupo Mineralóxico e Xeolóxico Galego, en especial ao seu presidente Javier Santos, a coordinación do evento.

Deixa una resposta a Óscar Lantes Cancelar a resposta

O teu enderezo electrónico non se publicará Os campos obrigatorios están marcados con *