Unha viaxe pola física dos minerais. LUZADA

Unha viaxe pola física dos minerais. LUZADA


NOVAS EDICIÓNS DESTE OBRADOIRO EN XANEIRO E FEBREIRO DE 2023

 

 

Láseres, fluorescencia, radioactividade, arqueometría, cristalinidade, minerais e moito máis !

 

Poñentes:

Grupo de Divulgación Científica LUZADA (USCOPTICA-USCEPS): José Paz Martín, Damián Insua Costa, Irene Romo Díez, C. Damián Rodríguez Fernández.

LUZADA é un grupo de divulgación científica en fotónica e física formado por estudantes e investigadorxs da Universidade de Santiago de Compostela e que conta co apoio de OPTICA e da EPS. Dende as súas orixes en 2013, o grupo participa en múltiples actividades de divulgación en colaboración con colexios, institutos e incluso hospitais. Tamén participa en outras actividades adicadas a fomentar o desenvolvemento profesional dos membros do grupo e a sensibilizar sobre diferentes temas sociais e científicos.

 

Descrición do obradoiro:

Usualmente aprendemos sobre as propiedades dos minerais dende un punto de vista descriptivo e macroscópico. Este obradoiro ten por finalidade explicar as características dos minerais dende unha perspectiva totalmente diferente: en base ás causas físicas e microscópicas. Algunhas das propiedades que se abordan neste obradoiro son dureza, cor, radioactividade, fluorescencia ou birrefrinxencia, entre outras. A través delas, introduciremos diversas técnicas para a identificación e caracterización de minerais, como, por exemplo, a difracción de raios X, así como outras aplicacións de vangarda de cristais sintéticos. Toda esta aproximación á física e á súa relación cos minerais farase en base a mostras reais e pequenos experimentos que asegurarán unha experiencia interactiva e didáctica. Tamén falaremos de técnicas de datación a través de minerais que se utilizan na arqueoloxía e a paleontoloxía. Contarase cun contador Geiger cedido polo Laboratorio de Docencia de Física Nuclear da Facultade de Física da USC, un microscopio de polarización do grupo de investigación NaFoMat da USC e con exemplares minerais cedidos por Javier Santos (GMXG), Beatriz Prieto (Dpto. Edafoloxía, Fac. Farmacia), Carlos Rodríguez, Ximo Company e Francisco Canosa.

Este obradoiro é unha segunda edición (mesmos contidos) do pasado obradoiro Unha viaxe pola física dos minerais do día 15 de outubro. A inicios do ano 2023 celebraranse dúas novas edicións deste obradoiro.

 

Idade recomendada: adultos e adolescentes con inquedanzas

Aforo 20 persoas.

Notas: Se fas unha reserva e finalmente non podes asistir, indícao no apartado inferior de comentarios e anularemos a reserva, quedando así a praza dispoñible para outra persoa que estea interesada. Indica claramente os teus datos persoais. Se fas unha reseva dobre, indica o nome completo do acompañante. Por motivos de seguridade, no MHN deben de dispor de tódolos datos completos. Á chegada ao MHN acercádevos a recepción e facilitádelle toda a información que vos pidan. Que ningúen quede fora porque ti non das en anular a túa reserva.

A última hora poden surxir novas prazas, estate atento…  ou envía un mail a oscar.lantes@usc.es para consultas.

 

PREPARANDO O OBRADOIRO:

 

 

O OBRADOIRO XA REALIZADO:

Agradecemos novamente a boa labor de LUZADA que se esforzaron en contarnos a todos curiosidades e segredos da física e a fotónica aplicados ao mundo mineral. Se non puidestes asistir ou queredes recordar non vos perdades as novas edicións deste obradoiro.

Queremos insistir en que aqueles que non poden asistir a un obradoiro, que avisen con tempo, pois nesta ocasión tivemos que deixar a máis de dez persoas fora por estar o aforo completo e poderían ter asistido se se tivesen anulado as reservas a tempo. As actividades gratuítas son para que as desfrute a sociedade e esixen que sexamos, se cabe, todavía máis cívicos e empáticos cos nosos iguais.

 

Reservas

Este evento está totalmente reservado.

Data -- Hora
29/10/2022 -- 10:45 a.m. - 1:00 p.m.

Ubicación
Sala de Obradoiros do Museo de Historia Natural

6 Replies to “Unha viaxe pola física dos minerais. LUZADA”

    1. Boa tarde Beatriz:
      No caso de qeu se produzan baixas, avisaremos por mail por orde de lista a todos os que se apuntaron e que por esta completo o aforo non puideron optar a participar. De producirse esa situación, quedarían admitidos aqueles aos que se lles comunique.
      Grazas polo interés.
      En caso de seguir sen conseguir praza, para xaneiro e feberiro, haberá novas edicións do obradoiro: “Unha viaxe pola física dos minerais” que imparte o Grupo de Divulgación Científica en Fotónica e Física LUZADA.

  1. Les informo que, por motivos personales de última hora, no podremos asistir al taller de mañana sábado 29. Por lo tanto, renuncio a las dos plazas solicitadas a mi nombre, quedando estas a su entera disposición. Siento las molestias causadas. Esperamos poder asistir a venideros talleres. Muchas gracias por su atención.

  2. Les informo que, por motivos personales de última hora, no podre asistir al taller de mañana sábado 29. Por lo tanto, renuncio a la plaza solicitada, quedando esta a su entera disposición. Siento las molestias causadas. Espero poder asistir a venideros talleres. Muchas gracias por su atención.

Deixa una resposta a Beatriz González Penalta Cancelar a resposta

O teu enderezo electrónico non se publicará Os campos obrigatorios están marcados con *